A Manifesto and Political Platform for Making Indians Prosperous

ಶೀರ್ಷಿಕೆ ಆರ್ಥಿಕ ಪ್ರಣಾಳಿಕೆ

ಅಸಮರ್ಥ ಆಡಳಿತ, ದೂರದರ್ಶಿತ್ವ ಇಲ್ಲದ ನಾಯಕತ್ವ ಮತ್ತು ಕೆಟ್ಟ ಆರ್ಥಿಕ ನೀತಿಗಳು ಭಾರತದಲ್ಲಿ ಸಂಪತ್ತಿನ ಉತ್ಪಾದಕತೆಯ ವಿಫಲತೆಗೆ ಮೂಲಭೂತ ಕಾರಣಗಳು. ಈ ಸಮಯದಲ್ಲಿ ನಾವೆಲ್ಲರೂ ಈ ಸವಾಲನ್ನು ಎದುರಿಸಿದೆವು ಮತ್ತು ಭಾರತದ ದಿಕ್ಕನ್ನು ಹೊಸ ಆಡಳಿತ ಹಾಗು ರಾಜಕೀಯದತ್ತ ಬದಲಾಯಿಸಿದೆವು.

ನಮ್ಮ ಪ್ರಣಾಳಿಕೆಯನ್ನು ಓದಿ

ಹಣ ವಾಪಾಸಾತಿ

ಈ ಕ್ರಾಂತಿಕಾರಕ ವಿಚಾರ ಬಡತನ ನಿರ್ಮೂಲನೆ ಮಾಡಬಲ್ಲದು, ಭಾರತದ ಯುವಜನರಿಗೆ ಅತ್ಯಗತ್ಯವಿರುವ ಕೋಟ್ಯಾಂತರ ಉದ್ಯೋಗಗಳನ್ನು ಸೃಷ್ಟಿಸಬಲ್ಲದು ಹಾಗು ಸರ್ಕಾರವನ್ನು ಹೆಚ್ಚು ಪರಿಣಾಮಕಾರಿಯಾಗಿ ಕಾರ್ಯನಿರ್ವಹಿಸುವಂತೆ ಮಾಡಬಲ್ಲದು. ಒಟ್ಟಿನಲ್ಲಿ ಭಾರತೀಯರಿಗೆ ತಮ್ಮದೇ ಆದ ರೀತಿಯಲ್ಲಿ ಸಮೃದ್ಧತೆ ಹಾಗು ಸಂಪತ್ತನ್ನು ಸೃಷ್ಟಿಸಲು ಸ್ವಾತಂತ್ರ್ಯವನ್ನು ನೀಡುವ ನಿಟ್ಟಿನಲ್ಲಿ ಧನ ವಾಪಾಸಾತಿ ಎನ್ನುವುದು ಒಂದು ಮಹತ್ವದ ಪರಿಹಾರವಾಗಿದೆ.

ಧನ ವಾಪಾಸಾತಿ ಬಗ್ಗೆ ಹೆಚ್ಚು ಓದಿ

Nayi Disha FAQ

ನಯೀ ದಿಶಾ ಎಂದರೇನು? ಅದರ ಹಿಂದಿನ ವ್ಯಕ್ತಿತ್ವ ಯಾರದು? ಮತ್ತು ಭರವಸೆ ಸಾಧನೆಗೆ ಅನುಸರಿಸುವ ಮಾರ್ಗವೇನು?

ನಯೀ ದಿಶಾ ಭಾರತವನ್ನು ಸಮೃದ್ಧಮಾಡಲು ಇಚ್ಛಿಸುವ ಎಲ್ಲಾ ಭಾರತೀಯರನ್ನು ಒಗ್ಗೂಡಿಸಲು ಆರಂಭಿಸಲಾಗಿರುವ ವೇದಿಕೆ. ಸ್ವಾತಂತ್ರ್ಯ, ಸಮಾನತೆ ಮತ್ತು ಸಂಪತ್ತಿನ ಸೃಷ್ಟಿ ಈ ಕಾರ್ಯಸೂಚಿಯ ಆಧಾರದ ಮೇಲೆ ನಾಗರಿಕರನ್ನು ಒಗ್ಗೂಡಿಸುವುದು ಇದರ ಮೂಲ ಉದ್ಧೇಶ. ನಯೀ ದಿಶಾದ ಐದು ಸಮೃದ್ಧತೆಯ ತತ್ವಗಳು ಮತ್ತು ಐದು ಆರಂಭಿಕ ಪರಿಹಾರೋಪಾಯಗಳು ಭಾರತದಲ್ಲಿ ಆಡಳಿತಕ್ಕೆ ಹಾಗು ರಾಜಕೀಯಕ್ಕೆ ವಿನೂತನ ಮಾದರಿಯ ಭರವಸೆಯನ್ನು ನೀಡುತ್ತವೆ.

ನಯೀ ದಿಶಾ ತಂತ್ರಜ್ಞಾನ ಉದ್ಯಮಿ ಮತ್ತು ಏಷ್ಯಾದ ಡಾಟ್ ಕಾಂ ಕ್ರಾಂತಿಯ ಹರಿಕಾರ ರಾಜೇಶ್ ಜೈನ್ ರವರ ಕನಸಿನಕೂಸು. ವಿದ್ಯಾರ್ಥಿಗಳು, ಉದ್ಯಮಿಗಳು, ವಕೀಲರು, ಅರ್ಥಶಾಸ್ತ್ರಜ್ಞರು, ರೈತರು ಮತ್ತು ಯುವ ವೃತ್ತಿಪರರು ಹೀಗೆ ಎಲ್ಲಾ ಸ್ತರದ ಹಾಗೂ ಎಲ್ಲಾ ವಯೋಮಾನದ ಜನರು ನಮ್ಮ ಸದಸ್ಯರುಗಳು.

ನಯೀ ದಿಶಾದ ಗುರಿ ಮತ್ತು ಪರಿಕಲ್ಪನೆ

ಬಡತನ ಭಾರತದ ಅದೃಷ್ಟವಲ್ಲ ಎಂದು ನಯೀ ದಿಶಾ ಬಲವಾಗಿ ನಂಬಿದೆ. ನಮ್ಮ ಧ್ಯೇಯ ಎಲ್ಲಾ ಭಾರತೀಯರಿಗೂ ಕೊನೆ ತನಕ ಉಳಿಯಬಲ್ಲ ಸಂಪತ್ತು ದೊರಕುವಂತೆ ಮಾಡುವುದು. ಇದನ್ನು ತಲೆಮಾರುಗಳ ಅಂತರದಲ್ಲಿ ನನಸಾಗಿಸುವುದಲ್ಲ; ಬದಲಿಗೆ ಎರಡು ಚುನಾವಣೆಗಳ ಮಧ್ಯದಲ್ಲಿ. ನಯೀ ದಿಶಾದ ಗುರಿ ಸಂಪತ್ತನ್ನು ನಾಶಮಾಡುವು ಪ್ರಕ್ರಿಯೆಗೆ ಸಂಪೂರ್ಣ ತಿಲಾಂಜಲಿ ಹಾಕುವುದಾಗಿದೆ. ಜೊತೆಗೆ ಅತ್ಯಂತ ವಿಸ್ತøತವಾಗಿ ಸಂಪತ್ತು ಸೃಷ್ಟಿಸುವ ಪ್ರಕ್ರಿಯೆ ಆರಂಭಿಸುವುದು. ಈ ಮೂಲಕ ಎಲ್ಲಾ ಭಾರತೀಯರನ್ನು ಸಂಪದ್ಭರಿತವನ್ನಾಗಿಸುವ ಕನಸು ನಯೀ ದಿಶಾದ್ದು.

We are guided by the following Prosperity Principles:
1. ಸ್ವಾತಂತ್ರ್ಯ
2. ನಿಷ್ಪಕ್ಷಪಾತ
3. ಮಧ್ಯ ಪ್ರವೇಶಿಸದಿರುವಿಕೆ
4. ಹಿತಮಿತವಾದ ಸರಕಾರ.
5. ವಿಕೇ೦ದ್ರೀಕರಣ.

ನಮ್ಮ ವೇದಿಕೆ ಮತ್ತು ಘೋಷಣೆಯ ಕುರಿತು ಇನ್ನಷ್ಟು ಓದಿ.

ಸಮಸ್ತ ಭಾರತೀಯರಿಗೂ ಅಭಿವೃದ್ಧಿಯ ಲಾಭವನ್ನು ಕೊಡಮಾಡುವ ನಿಟ್ಟಿನಲ್ಲಿ ನಯೀ ದಿಶಾವು ಹೇಗೆ ಕಾರ್ಯೋನ್ಮುಖವಾಗಲಿದೆ?

ಎರಡು ಅತೀ ಮುಖ್ಯವಾದ ಪರಿಹಾರೋಪಾಯಗಳನ್ನು ನಯೀ ದಿಶಾವು ಮು೦ದಿಡುತ್ತಿದೆ - ಪ್ರತೀ ಕುಟು೦ಬಕ್ಕೆ ಪ್ರತೀ ವರ್ಷವೂ ಒ೦ದು ಲಕ್ಷ ರೂಪಾಯಿಯನ್ನು ಹಿ೦ದಿರುಗಿಸುವುದು ಮತ್ತು ಒಟ್ಟಾರೆಯಾಗಿ ಶೇಖಡಾ ಹತ್ತರ ದರದಲ್ಲಿ ತೆರಿಗೆಯ ಸ೦ಗ್ರಹ - ಪ್ರತೀ ಕುಟು೦ಬಕ್ಕೂ ವಾರ್ಷಿಕವಾಗಿ ಸರಿಸುಮಾರು ಒ೦ದೂವರೆ ಲಕ್ಷ ರೂಪಾಯಿಗಳಷ್ಟು ನಿವ್ವಳ ಲಾಭವು ದೊರಕುವ೦ತೆ ಮಾಡುವುದು.

ಹೆಚ್ಚಿನ ಹಣವನ್ನು ಜನರ ಕೈಗಳಿಗೇ ಹಾಕುವುದಷ್ಟೇ ಅಲ್ಲದೇ, ಈ ವಿನೂತನ ಯೋಜನೆಗಳು ಪ್ರತಿಯೊ೦ದು ಭಾರತೀಯ ಕುಟು೦ಬದ ಪಾಲಿಗೂ ಒ೦ದು ಸುರಕ್ಷಿತ ವಲಯವನ್ನು ಕಲ್ಪಿಸುತ್ತದೆ, ಬಡತನವನ್ನು ಹೋಗಲಾಡಿಸುತ್ತದೆ, ಉದ್ಯೋಗ ಸೃಷ್ಟಿಯು ಹೆಚ್ಚಳವಾಗುತ್ತದೆ, ಸರಕಾರದ ಬೆಳವಣಿಗೆಯನ್ನು ಹಿಮ್ಮೆಟ್ಟಿಸುತ್ತದೆ, ಹಾಗೂ ತನ್ಮೂಲಕ ಭಾರತೀಯರಿಗೆ ಹೆಚ್ಚಿನ ಸ೦ಪತ್ತನ್ನು ಸೃಷ್ಟಿಸಿಕೊಳ್ಳುವುದಕ್ಕೆ ಅನುವು ಮಾಡಿಕೊಡುತ್ತದೆ. ಸರಕಾರದ ವತಿಯಿ೦ದಾಗುವ ದು೦ದುವೆಚ್ಚ ಹಾಗೂ ಅದಕ್ಷತೆಯನ್ನು ತಗ್ಗಿಸುವುದರ ಮೂಲಕ, ಅನವಶ್ಯಕವಾಗಿರುವ ಸರಕಾರೀ ಸ್ವಾಮ್ಯದ ಉದ್ಯಮಗಳನ್ನು ಮಾರುವ ಇಲ್ಲವೇ ಶಾಶ್ವತವಾಗಿ ನಿಲುಗಡೆಗೊಳಿಸುವ ಮೂಲಕ, ಹಾಗೂ ಉಪಯೋಗಿಸಲ್ಪಡದೇ ಇರುವ೦ತಹ ಮತ್ತು ಕಡಿಮೆ ಉಪಯೋಗಿಸಲ್ಪಟ್ಟ೦ತಹ ಸ೦ಪನ್ಮೂಲಗಳನ್ನು ಉತ್ಪಾದಕತೆಯಲ್ಲಿ ತೊಡಗಿಸಿಕೊಳ್ಳುವುದರ ಮೂಲಕ ಈ ಹಣವು ಹರಿದುಬರುತ್ತದೆ. ಶೇಖಡಾ ಹತ್ತರ ದರದಲ್ಲಿ ಸ೦ಗ್ರಹಿಸಲಾಗುವ ತೆರಿಗೆಯ ಹಣವು ಸರಕಾರದ ಅವಶ್ಯಕತೆಗಳನ್ನಷ್ಟೇ ಪೂರೈಸಲು ನೆರವಾಗುವುದನ್ನು ಖಚಿತಪಡಿಸುತ್ತದೆಯೇ ಹೊರತು ಸರಕಾರದ ದುರಾಸೆಗಳನ್ನಲ್ಲ.

ಧನಹಿಂದಿರುಸುವಿಕೆ (ಧನವಾಪಾಸಿ) ಯೋಜನೆಯ ಬಗ್ಗೆ ಹೆಚ್ಚಿನ ಮಾಹಿತಿ

ಒ೦ದು ಸ೦ಸ್ಥೆಯ ರೂಪದಲ್ಲಿ ನಯೀ ದಿಶಾದ ರಚನೆಯು ಹೇಗಿರುತ್ತದೆ?

ಭಾರತದಲ್ಲಿ ರಾಜಕೀಯ ವ್ಯವಸ್ಥೆಯು ಕಾರ್ಯನಿರ್ವಹಿಸುವ ಮೂಲಭೂತ ವಿಧಾನದಲ್ಲಿಯೇ ಬದಲಾವಣೆಯನ್ನು ಬಯಸುವ೦ತಹ ವಿವೇಚನಾಶೀಲ, ಚಿ೦ತನಶೀಲ, ಹಾಗೂ ಸಮರ್ಪಣಾ ಮನೋಭಾವನೆಯ ವ್ಯಕ್ತಿಗಳನ್ನೇ ನಯೀ ದಿಶಾ ತ೦ಡವು ಒಳಗೊಳ್ಳಲಿದ್ದು, ಈ ವ್ಯಕ್ತಿಗಳು ಜೀವನದ ಎಲ್ಲಾ ಮಜಲುಗಳಿಗೂ ಸೇರಿದವರಾಗಿರುತ್ತಾರೆ. ನಯೀ ದಿಶಾದ ದೃಷ್ಟಿಕೋನದಲ್ಲಿ ನ೦ಬಿಕೆಯಿರುವವರು ನೀವಾಗಿದ್ದಲ್ಲಿ, ನೀವೂ ಕೂಡಾ ನಯೀ ದಿಶಾದ ಸದಸ್ಯರಾಗಿರಿ ಹಾಗೂ ತನ್ಮೂಲಕ ಭಾರತೀಯರನ್ನು ಅಭಿವೃದ್ಧಿಯ ಹರಿಕಾರರನ್ನಾಗಿಸುವ ನಿಟ್ಟಿನಲ್ಲಿ ನಮ್ಮೊಡನೆ ಕೆಲಸದಲ್ಲಿ ತೊಡಗಿಸಿಕೊಳ್ಳಿರಿ.

ನಮ್ಮ ದೃಷ್ಟಿಗೆ ಒಂದು ಭಾಗವಾಗಿ ನಯೀ ದಿಶಾ ಸೇರಿ.

ನಯೀ ದಿಶಾವು ಅಭಿವೃದ್ಧಿಯ ಭರವಸೆಯನ್ನು ನೀಡುತ್ತಿದೆ. ಕುಟು೦ಬವೊ೦ದಕ್ಕೆ ಒ೦ದು ಲಕ್ಷ ರೂಪಾಯಿಗಳನ್ನು ಕೊಡಮಾಡಿದಲ್ಲಿ ಭಾರತೀಯರು ಉದ್ಧಾರವಾಗಿ ಹೋಗುತ್ತಾರೆ೦ದು ನಿಮ್ಮ ಯೋಚನೆಯೇ ?

ಮೂವತ್ತು ಕೋಟಿಗಳಿಗಿ೦ತಲೂ ಹೆಚ್ಚಿನ ಸ೦ಖ್ಯೆಯ ಭಾರತೀಯರು ಕಡುಬಡತನದಲ್ಲಿ ಜೀವಿಸುತ್ತಿದ್ದಾರೆ. ಭಾರತೀಯ ಕುಟು೦ಬವೊ೦ದರ ಮಧ್ಯಮ ಆದಾಯವು ವರ್ಷಕ್ಕೆ ಕೇವಲ 1.2 ಲಕ್ಷ ರೂಪಾಯಿಗಳಷ್ಟೇ ಆಗಿರುತ್ತದೆ. ಪರಿಸ್ಥಿತಿ ಹೀಗಿರುವಾಗ, ಪ್ರತೀ ಕುಟು೦ಬಕ್ಕೂ ಪ್ರತೀ ವರ್ಷವೂ ಒ೦ದು ಲಕ್ಷ ರೂಪಾಯಿಗಳನ್ನು ಹಿ೦ದಿರುಗಿಸಿದಲ್ಲಿ, ಸುಮಾರು ಅರ್ಧದಷ್ಟು ಎಲ್ಲಾ ಭಾರತೀಯ ಕುಟು೦ಬಗಳ ಆದಾಯವು ದ್ವಿಗುಣಗೊ೦ಡ೦ತಾಗುತ್ತದೆ. ಬಹುತೇಕ ಭಾರತೀಯರ ಪಾಲಿಗೆ ಇದೊ೦ದು ಗಣನೀಯ ಮೊತ್ತವೇ ಆಗಿದ್ದು, ಅವರೆಲ್ಲರಿಗೂ ತಮ್ಮ ಜೀವನಮಟ್ಟವನ್ನು ಸುಧಾರಿಸಿಕೊಳ್ಳುವ ನಿಟ್ಟಿನಲ್ಲಿ ಇದು ನೆರವಾಗುತ್ತದೆ.

ಇದಕ್ಕಿ೦ತಲೂ ಹೆಚ್ಚಾಗಿ, ನಯೀ ದಿಶಾವು ಜಾರಿಗೊಳಿಸಲು ಉದ್ದೇಶಿಸಿರುವ ಸುಧಾರಣಾ ಕ್ರಮಗಳು ಉದ್ಯೋಗಾವಕಾಶಗಳನ್ನು ಸೃಷ್ಟಿಸಲಿವೆ ಹಾಗೂ ಜೊತೆಗೆ ದೊಡ್ಡ ಉದ್ದಿಮೆದಾರರಿರಲೀ ಇಲ್ಲವೇ ಸಣ್ಣ ಉದ್ದಿಮೆದಾರರಿರಲೀ, ಎಲ್ಲರ ಪಾಲಿಗೂ ವ್ಯಾಪಾರ, ವ್ಯವಹಾರಗಳನ್ನು ಬಹಳಷ್ಟರಮಟ್ಟಿಗೆ ಸುಲಲಿತಗೊಳಿಸುತ್ತದೆ.

₹ 1 lakh per year for each family appears exaggerated. Does India have that much wealth?

ಖನಿಜ ಸ೦ಪತ್ತು ಮತ್ತು ಇನ್ನಿತರ ನೈಸರ್ಗಿಕ ಸ೦ಪನ್ಮೂಲಗಳ ವಿಚಾರಕ್ಕೆ ಬ೦ದಾಗ, ಭಾರತವು ಅತ್ಯ೦ತ ಶ್ರೀಮ೦ತ ದೇಶಗಳ ಪೈಕಿ ಒ೦ದಾಗಿದೆ.

ಭಾರತದ ಸಾರ್ವಜನಿಕ ಸ೦ಪತ್ತಿನ ವಿವರ ಈ ಕೆಳಗಿನ೦ತಿದೆ: ಖನಿಜಗಳ ರೂಪದಲ್ಲಿ, ಸ೦ಪತ್ತಿನ ಮೌಲ್ಯವು ಒಟ್ಟು ಸರಿಸುಮಾರು 1000 ಲಕ್ಷ ಕೋಟಿ ರೂಪಾಯಿಗಳಷ್ಟು, ಇದರ ತಲೆವಾರು ಹ೦ಚಿಕೆಯು ಪ್ರತಿಯೋರ್ವರಿಗೂ ಸರಿಸುಮಾರು ಎ೦ಟು ಲಕ್ಷ ರೂಪಾಯಿಗಳ ಮೊತ್ತವನ್ನು ಕೊಡಮಾಡುತ್ತದೆ. ಸಾರ್ವಜನಿಕ ಜಮೀನಿನ ರೂಪದಲ್ಲಿ, ಸ೦ಪತ್ತಿನ ಮೌಲ್ಯವು ಒಟ್ಟು ಸರಿಸುಮಾರು 340 ಲಕ್ಷ ಕೋಟಿ ರೂಪಾಯಿಗಳಷ್ಟಾಗಿದ್ದು, ಇದರ ತಲೆವಾರು ಹ೦ಚಿಕೆಯು ಪ್ರತಿಯೋರ್ವರಿಗೂ ಸರಿಸುಮಾರು ಎರಡೂವರೆ ಲಕ್ಷ ರೂಪಾಯಿಗಳ ಮೊತ್ತವನ್ನು ಕೊಡಮಾಡುತ್ತದೆ. ಮೇಲಿನ ಎರಡೂ ಮೂಲಗಳಿ೦ದ (ಖನಿಜಗಳು ಮತ್ತು ಸಾರ್ವಜನಿಕ ಜಮೀನು) ಪಡೆಯಬಹುದಾದ ಸ೦ಪತ್ತಿನ ಒಟ್ಟು ಮೌಲ್ಯವು ಸರಿಸುಮಾರು 1340 ಲಕ್ಷ ಕೋಟಿ ರೂಪಾಯಿಗಳಷ್ಟಾಗಿದ್ದು, ಇವೆರಡೂ ಮೂಲಗಳಿ೦ದ ಪಡೆದ ಸ೦ಪತ್ತನ್ನು ಸಮನಾಗಿ ಹ೦ಚಿದಲ್ಲಿ ಪ್ರತಿಯೋರ್ವನಿಗೂ ಒಟ್ಟು ಸರಿಸುಮಾರು ಹತ್ತೂವರೆ ಲಕ್ಷ ರೂಪಾಯಿಗಳು ಲಭ್ಯವಾಗುತ್ತವೆ. ವಿಶ್ಲೇಷಕರು ಅ೦ದಾಜಿಸಿರುವುದರ ಪ್ರಕಾರ, ನಮ್ಮ ದೇಶದ ಒಟ್ಟು ಖನಿಜ ಸ೦ಪತ್ತಿನ ಬೆಲೆಯು 5011 ಲಕ್ಷ ಕೋಟಿ ರೂಪಾಯಿಗಳಿ೦ತಲೂ ಅಧಿಕ ಮೌಲ್ಯದ್ದಾಗಿದೆ. ನಯೀ ದಿಶಾದ ಅ೦ದಾಜಿನ ಪ್ರಕಾರ, ಭಾರತ ಸರಕಾರವು 300 ಲಕ್ಷ ಕೋಟಿ ರೂಪಾಯಿಗಳಿಗಿ೦ತಲೂ ಅಧಿಕ ಬೆಲೆಬಾಳುವ, ಬಳಕೆಯಾಗದ ಸಾರ್ವಜನಿಕ ಭೂಭಾಗಗಳನ್ನು ತನ್ನ ಸುಪರ್ದಿಯಲ್ಲಿರಿಸಿಕೊ೦ಡಿದೆ. ನಮ್ಮ ದೇಶದ ಒಟ್ಟು ಖನಿಜ ಸ೦ಪತ್ತಿನ ಮೌಲ್ಯದ ಕೇವಲ 20 % ದಷ್ಟನ್ನೇ, ಅರ್ಥಾತ್ ಕೇವಲ 1000 ಲಕ್ಷ ಕೋಟಿ ರೂಪಾಯಿಗಳಷ್ಟನ್ನೇ ನಾವು ಪಡೆದುಕೊ೦ಡರೂ ಕೂಡಾ, ನಮ್ಮ ಬಳಿ 1300 ಕೋಟಿ ರೂಪಾಯಿಗಳಷ್ಟು ಸಾರ್ವಜನಿಕ ಸೊತ್ತು ನಮಗೆ ಸದ್ಯದ ಬಳಕೆಗೆ ಲಭ್ಯವಾಗುತ್ತದೆ. ಕನಿಷ್ಟ ಪಕ್ಷ ಮು೦ದಿನ ಐವತ್ತು ವರ್ಷಗಳವರೆಗೆ ಪ್ರತೀ ಭಾರತೀಯ ಕುಟು೦ಬಕ್ಕೂ ವಾರ್ಷಿಕವಾಗಿ ಒ೦ದು ಲಕ್ಷ ರೂಪಾಯಿಗಳನ್ನು ಕೊಡಮಾಡುವುದಕ್ಕೆ ಇಷ್ಟು ಸ೦ಪತ್ತು ಧಾರಾಳ ಸಾಕಾಗುತ್ತದೆ.

ಸಾರ್ವಜನಿಕ ಸ೦ಪತ್ತನ್ನು ನಗದೀಕರಿಸಿ (ಹಣಕಾಸಿನ ರೂಪಕ್ಕೆ ತ೦ದು), ಬಳಿಕ ಅದನ್ನು ಮರಳಿ ಜನರಿಗೇ ಹಿ೦ದಿರುಗಿಸುವುದರ ವಿಚಾರವು ಕಾನೂನಾತ್ಮಕ ಪ್ರಕ್ರಿಯೆಗಳಿಗಿ೦ತಲೂ ಹೆಚ್ಚಾಗಿ ರಾಜಕೀಯ ಇಚ್ಛಾಶಕ್ತಿಯ ಪ್ರಶ್ನೆಯಾಗಿರುತ್ತದೆ. ಕಾನೂನು ಸೌಲಭ್ಯಗಳು ಮತ್ತು ಕಾನೂನಿಗೆ ಸ೦ಬ೦ಧಿಸಿದ ನೀತಿನಿಯಮಗಳನ್ನು ಪರಿಗಣಿಸಿದರೆ, ಸಾರ್ವಜನಿಕ ಸ೦ಪತ್ತನ್ನು ನಗದೀಕರಣಗೊಳಿಸುವುದು ಒ೦ದು ಚುನಾಯಿತ ಸರಕಾರಕ್ಕೆ ಅಷ್ಟೇನೂ ದೊಡ್ಡ ವಿಷಯವಾಗಿರುವುದಿಲ್ಲ.

ಇಸವಿ 2016 ಯಲ್ಲಿ ಕೈಗೊ೦ಡ "ಹೌಸ್ ಹೋಲ್ಡ್ ಸರ್ವೇ ಆನ್ ಇ೦ಡಿಯಾಸ್ ಸಿಟಿಜ಼ನ್ ಇನ್ ವೈರೋನ್ಮೆ೦ಟ್ ಆ೦ಡ್ ಕನ್ಸ್ಯೂಮರ್ ಇಕಾನಮಿ" ಯ ಸಮೀಕ್ಷಾ ವರದಿಯ ಪ್ರಕಾರ, ಶೇಖಡಾ 99% ರಷ್ಟು ಭಾರತೀಯ ಕುಟು೦ಬಗಳು ಈಗಾಗಲೇ ಬ್ಯಾ೦ಕ್ ಖಾತೆಗಳನ್ನು ಹೊ೦ದಿವೆ. ಆಧಾರ್ ಸ೦ಖ್ಯೆಯೊ೦ದಿಗೆ ಬ್ಯಾ೦ಕ್ ಖಾತೆಗಳು ಜೋಡಣೆಗೊ೦ಡಿರುವ ವಿಚಾರವನ್ನು ಪರಿಗಣಿಸಿದಲ್ಲಿ, ಪ್ರತಿಯೋರ್ವ ಖಾತೆದಾರರನ್ನೂ ನಾವು ಪ್ರತ್ಯೇಕ-ಪ್ರತ್ಯೇಕವಾಗಿ ಗುರುತಿಸಿ, ತನ್ಮೂಲಕ ಯಾವುದೇ ಅಡೆತಡೆ ಅಥವಾ ಗೊ೦ದಲಗಳಿಗೆ ಅವಕಾಶವಿಲ್ಲದ ರೀತಿಯಲ್ಲಿ ಸಾರ್ವಜನಿಕ ಸೊತ್ತನ್ನು, ಅವರವರ ಖಾತೆಗಳ ಮೂಲಕ ಜನರಿಗೇ ಮರಳಿಸಬಹುದು.

ನಮ್ಮ ಸಾರ್ವಜನಿಕ ಸಂಪತ್ತು ಹಂಚುವಿಕೆ ವರದಿಯನ್ನು ಹೆಚ್ಚಿನ ಮಾಹಿತಿಗಾಗಿ ಓದಬಹುದು.

ಭೂಮಿಯನ್ನು ಮತ್ತು ಖನಿಜ ಮೂಲಗಳನ್ನು ಖರೀದಿಸುವವರಾದರೂ ಯಾರು ? ರಾಜ್ಯ ಸರಕಾರಗಳು ಉಚಿತವಾಗಿಯೇ ಭೂಮಿಯನ್ನು ಸುಲಭವಾಗಿಯೇ ಅವರಿಗೆ ಕೊಡಮಾಡುತ್ತಿರುವಾಗ ಅವರಿಗಾದರೂ ಹರಾಜು ಪ್ರಕ್ರಿಯೆಗಳಲ್ಲಿ ಭಾಗವಹಿಸುವ ಅಗತ್ಯವಾದರೂ ಏನಿದೆ?

ನಿಜ ಹೇಳಬೇಕೆ೦ದರೆ, ಮೊದಲನೆಯದಾಗಿ, ಯಾವುದೇ ರಾಜ್ಯ ಸರಕಾರವೂ ಕೂಡಾ ಭೂಮಿಯ೦ತಹ ಬೆಲೆಬಾಳುವ ಸ೦ಪನ್ಮೂಲಗಳನ್ನು ಹಾಗೆ ಹೇಳದೇ ಕೇಳದೇ ಉದ್ಯಮಿಗಳಿಗೆ ಉಚಿತವಾಗಿ ನೀಡುವುದೇ ಬಹುದೊಡ್ಡ ತಪ್ಪು. ಒ೦ದು ರಾಜ್ಯದ ನೈಸರ್ಗಿಕ ಸ೦ಪನ್ಮೂಲಗಳು ಆಯಾ ರಾಜ್ಯಗಳ ಜನರಿಗೆ ಸೇರಿದವುಗಳಾಗಿರುತ್ತವೆ ಹಾಗೂ ಇ೦ತಹ ಸ೦ಪನ್ಮೂಲಗಳನ್ನು ಉಚಿತವಾಗಿ ನೀಡುವುದೆ೦ದರೆ, ಅದರರ್ಥವು ಸರಕಾರಗಳು ನಮ್ಮ ನ್ಯಾಯಯುತವಾದ ಪಾಲನ್ನು ನಮ್ಮಿ೦ದಲೇ ದರೋಡೆ ಮಾಡುತ್ತಿದೆ ಎ೦ದೇ ಆಗುತ್ತದೆ. ಎರಡನೆಯದಾಗಿ, ಇದೀಗ, ಭಾರತದಲ್ಲಿ ಸಾರ್ವಜನಿಕ ಸ೦ಪನ್ಮೂಲಗಳನ್ನು ಕೊ೦ಡುಕೊಳ್ಳುವವರು ಯಾರೂ ಇಲ್ಲ. ಇದಕ್ಕೆ ಕಾರಣ ಕಾನೂನಾತ್ಮಕ ನಿಯಮಗಳ ಕೊರತೆ ಮತ್ತು ಕಿರಿಕಿರಿಯನ್ನು೦ಟು ಮಾಡುವಷ್ಟು ಅನಗತ್ಯ ಷರತ್ತುಗಳ ಹೇರಿಕೆ. ಜನರ ಬಳಿ ಹಣಕಾಸಿನ ಹರಿವು ಚೆನ್ನಾಗಿದ್ದು, ವ್ಯಾಪಾರೋದ್ಯಮಗಳನ್ನು ಕೈಗೊಳ್ಳಲು ಸುಲಭವೆನಿಸುವ೦ತಹ ವಾತಾವರಣವಿದ್ದಲ್ಲಿ, ಸ೦ಪನ್ಮೂಲಗಳನ್ನು ಉತ್ಪಾದಕ ರೀತಿಯಲ್ಲಿ ಬಳಸಿಕೊಳ್ಳಲು ವ್ಯಕ್ತಿಗಳು ಮತ್ತು ಕ೦ಪೆನಿಗಳು ಸಹಜವಾಗಿಯೇ ಮು೦ದಾಗುತ್ತಾರೆ.

ಭಾರತದಲ್ಲಿ ನೈಸರ್ಗಿಕ ಸ೦ಪನ್ಮೂಲಗಳ ಖರೀದಿಯ ವಿಚಾರಕ್ಕೆ ಬ೦ದಾಗ, ವಿದೇಶಿಗರನ್ನು ಹಾಗೂ ವಿದೇಶೀ ಕ೦ಪನಿಗಳನ್ನೂ ಭಾರತೀಯರ೦ತೆಯೇ ಸರಿಸಮಾನವಾಗಿಯೇ ನಡೆಸಿಕೊಳ್ಳಬೇಕು. ಭಾರತೀಯರ ಪಾಲಿಗೆ ಗರಿಷ್ಟ ಪ್ರಮಾಣದಲ್ಲಿ ಲಾಭವನ್ನು ಹಿ೦ತಿರುಗಿಸುವುದೇ ನಮ್ಮ ಮೂಲಧ್ಯೇಯವಾಗಿದೆ. ಈ ಸ೦ಗತಿಯನ್ನು ಪ್ರಸ್ತಾವಿಸುವಾಗ ಒ೦ದು ಅ೦ಶವನ್ನು ನಾವಿಲ್ಲಿ ನಿಮ್ಮ ಗಮನಕ್ಕೆ ತರಬೇಕಾಗುತ್ತದೆ. ಅದೇನೆ೦ದರೆ, ರಾಷ್ಟ್ರ ರಕ್ಷಣೆಯ ವಿಚಾರವನ್ನೊಳಗೊ೦ಡಿರುವ ಸ೦ಪನ್ಮೂಲಗಳಿಗೆ ಸ೦ಬ೦ಧಿಸಿದ ನಿಯಮಾವಳಿಗಳ ಕುರಿತು ಒ೦ದಿಷ್ಟು ಅಪವಾದಗಳಿರುತ್ತವೆ.

ಸದ್ಯೋಭವಿಷ್ಯದಲ್ಲೇ ನಾವು ಸಾರ್ವಜನಿಕ ಸ೦ಪತ್ತಿನ ಕೊರತೆಯನ್ನು ಅನುಭವಿಸುವ ಸ್ಥಿತಿಯು ಉ೦ಟಾದರೆ ಮು೦ದಿನ ಗತಿಯೇನು ?

ನಾವೀಗಾಗಲೇ ಪ್ರಸ್ತಾವಿಸಿರುವ ಪ್ರಕಾರ, ಪ್ರತೀ ಕುಟು೦ಬಕ್ಕೆ, ಪ್ರತೀ ವರ್ಷ, ತಲಾ ಒ೦ದು ಲಕ್ಷ ರೂಪಾಯಿಗಳನ್ನು ವಿತರಿಸಿದಲ್ಲಿ (ಸಾರ್ವಜನಿಕ ಸೊತ್ತನ್ನು ಹಿ೦ದಿರುಗಿಸುವ ಯೋಜನೆಯಡಿ), ಐವತ್ತು ವರ್ಷಗಳಿಗೂ ಮಿಕ್ಕಿ ಲಭ್ಯವಾಗಬಹುದಾದಷ್ಟು ಸಾರ್ವಜನಿಕ ಸ೦ಪತ್ತು ಭಾರತದಲ್ಲಿದೆ. ಹೀಗೆ ಸ೦ಪತ್ತಿನ ಹ೦ಚಿಕೆಯ ಕೇವಲ ಕೆಲವೇ ಕೆಲವು ದಶಕಗಳ ಬಳಿಕ, ಮು೦ದೆ ನಮಗೆ ಯಾವುದೇ ರೀತಿಯ ಸ೦ಪತ್ತಿನ ಮರುಹ೦ಚಿಕೆಯಾಗಲೀ ಅಥವಾ ಸ೦ಪದಭಿವೃದ್ಧಿಯ ಕಾರ್ಯಕ್ರಮಗಳದ್ದಾಗಲೀ ಅವಶ್ಯಕತೆ ಇರುವುದಿಲ್ಲ. ಏಕೆ೦ದರೆ, ಅಷ್ಟು ಹೊತ್ತಿಗಾಗಲೇ ಭಾರತೀಯರು ತಮ್ಮದೇ ಹಣೆಬರಹವನ್ನು ನಿರ್ಧರಿಸುವುದರ ಮಟ್ಟಿಗೆ ಶ್ರೀಮ೦ತರಾಗಿರುತ್ತಾರೆ ಹಾಗೂ ಪ್ರಗತಿಯ ಪಥದಲ್ಲಿ ಬಹುದೂರ ಸಾಗಿರುತ್ತಾರೆ.

ಬಡವರಿಗಾಗಿ ನಯೀ ದಿಶಾವು ಏನನ್ನು ಮಾಡಲಿದೆ? ಅವರಿಗಾಗಿ ಉದ್ಯೋಗಗಳನ್ನು ಸೃಷ್ಟಿಸುವ ಅವಶ್ಯಕತೆಯು ನಮಗಿಲ್ಲವೇ?

ನಯೀ ದಿಶಾವು ದೇಶದ ಪ್ರತಿಯೊ೦ದು ಕುಟು೦ಬಕ್ಕೂ ಪ್ರತೀ ವರ್ಷವೂ ಒ೦ದು ಲಕ್ಷ ರೂಪಾಯಿಗಳನ್ನು ಸಾರ್ವಜನಿಕ ಸೊತ್ತಿನ ರೂಪದಲ್ಲಿ ಮರಳಿ ಹಿ೦ದಿರುಗಿಸುವ ಗುರಿಯನ್ನಿಟ್ಟುಕೊ೦ಡಿದೆ ಹಾಗೂ ಜೊತೆಗೆ ಕಟ್ಟುನಿಟ್ಟಾದ ಸುಧಾರಣಾ ಕ್ರಮಗಳನ್ನು ಜಾರಿಗೊಳಿಸುವುದರ ಮೂಲಕ ಬಡವರ ಪಾಲಿಗೆ ಹಣಕಾಸಿನ ಅವಕಾಶಗಳು ಲಭ್ಯವಾಗುವ೦ತೆ ಮಾಡುತ್ತದೆ. ಅವಕಾಶಗಳ ಕೊರತೆಯ ಕಾರಣದಿ೦ದಾಗಿ, ಹಾಗೂ ಸಾಮಾಜಿಕ ಮತ್ತು ಆರ್ಥಿಕ ಬ೦ಡವಾಳಗಳ ಕೊರತೆಯಿ೦ದಾಗಿ ಪ್ರಸ್ತುತ ಭಾರತೀಯರು ಸಿಲುಕಿ ಹಾಕಿಕೊ೦ಡಿರುವ ಬಡತನವೆ೦ಬ ವಿಷ ವರ್ತುಲದಿ೦ದ ಹೊರಬರಲು ನಯೀ ದಿಶಾದ ಆರ್ಥಿಕ ನೀತಿಗಳು ಭಾರತೀಯರಿಗೆ ನೆರವಾಗಲಿವೆ.

ಸಾರ್ವಜನಿಕ ಸ೦ಪತ್ತನ್ನು ಹಿ೦ದಿರುಗಿಸುವುದರ ಜೊತೆಗೇ, ಯುವ ಭಾರತೀಯರಿಗಾಗಿ ಮಿಲಿಯಗಟ್ಟಲೇ ಉದ್ಯೋಗಾವಕಾಶಗಳ ಸೃಷ್ಟಿಯ ಅವಶ್ಯಕತೆಯನ್ನೂ ನಯೀ ದಿಶಾವು ಬಹಳ ಸ್ಪಷ್ಟವಾಗಿ ಮನಗ೦ಡಿದೆ. ಜನರಿಗೆ ವ್ಯಾಪಾರ ವಹಿವಾಟುಗಳನ್ನು ಆರ೦ಭಿಸಲು ಅವರ ಬಳಿ ಬ೦ಡವಾಳವಿಲ್ಲದಿದ್ದರೆ ಹಾಗೂ ವ್ಯಾಪಾರ, ವಹಿವಾಟುಗಳಿಗೆ ಪೂರಕವಾದ ಪರಿಸರವಿಲ್ಲದೇ ಇದ್ದರೆ, ಉದ್ಯೋಗಗಳ ಸೃಷ್ಟಿಯು ಸಾಧ್ಯವಾಗಲಿಕ್ಕಿಲ್ಲ. ನಯೀ ದಿಶಾವು ಆರ್ಥಿಕತೆಯನ್ನು ಉದಾರೀಕರಣಗೊಳಿಸುವುದರ ಮೂಲಕ ಜನರು ಹೆಚ್ಚಿನ ಪ್ರಮಾಣದಲ್ಲಿ ಉದ್ಯಮಗಳನ್ನು ಆರ೦ಭಿಸಿ ತನ್ಮೂಲಕ ಉದ್ಯೋಗಗಳನ್ನು ಸೃಷ್ಟಿಸಿಕೊಳ್ಳಲು ಪ್ರೇರೇಪಿಸುತ್ತದೆ. ಜೊತೆಗೆ, ಜನರು ಹಣವನ್ನು ಉದ್ಯೋಗ-ಸ೦ಬ೦ಧೀ ಕೌಶಲ್ಯಗಳನ್ನು ಕಲಿತುಕೊಳ್ಳುವುದಕ್ಕೆ ಅಥವಾ ಉತ್ತಮ ಉದ್ಯೋಗವೊ೦ದನ್ನು ಗಿಟ್ಟಿಸಿಕೊಳ್ಳುವುದಕ್ಕೆ ಪೂರಕವಾದ ಶಿಕ್ಷಣವನ್ನು ಪಡೆದುಕೊಳ್ಳುವುದಕ್ಕಾಗಿ ಬಳಸಿಕೊಳ್ಳಬಹುದು.

ನಮ್ಮ ದೃಷ್ಟಿಕೋನದ ಬಗ್ಗೆ ಇನ್ನಷ್ಟು ತಿಳಿಯಿರಿ

ನಯೀ ದಿಶಾವು ಹಣಕಾಸಿನ ವ್ಯವಸ್ಥೆಯನ್ನು ಹೇಗೆ ಮಾಡಿಕೊಳ್ಳುತ್ತದೆ?

ನಯೀ ದಿಶಾಕ್ಕಾಗಿ ಆರ೦ಭಿಕ ದೇಣಿಗೆಯನ್ನು ಸ್ವಯ೦ ರಾಜೇಶ್ ಜೈನ್ ಅವರೇ ಕೊಡಮಾಡಲಿದ್ದಾರೆ. ಹೆಚ್ಚಿನ ಹಣಕಾಸಿನ ನೆರವಿಗಾಗಿ, ದೇಣಿಗೆಯನ್ನು ಕೊಡಲು ಮನಸ್ಸುಳ್ಳ ಪ್ರತಿಯೋರ್ವ ಉದಾರಿಯೆದುರೂ ನಾವು ಬಹುಬೇಗನೇ ತೆರೆದುಕೊಳ್ಳಲಿದ್ದೇವೆ. ಈ ವ೦ತಿಗೆ ಸ೦ಗ್ರಹದ ಕಾರ್ಯವು ಬಹು ಪಾರದರ್ಶಕ ರೀತಿಯಲ್ಲಿ ನಡೆಯಲಿದೆ.

ನಯೀ ದಿಶಾಕ್ಕೆ ಸೇರಿಕೊಳ್ಳುವುದರ ಮೂಲಕ ನೀವು ಸಹಾಯ ಮಾಡಬಹುದು.

ನಯೀ ದಿಶಾದಲ್ಲಿ ಸೇರ್ಪಡೆಗೊ೦ಡಿರುವ ವ್ಯಕ್ತಿಗಳು ಯಾರು? ಅವರ ಸ್ಥಾನಮಾನ ಹಾಗೂ ಹಿನ್ನೆಲೆಗಳೇನು?

ನಯೀ ದಿಶಾ ವು ರಾಜೇಶ್ ಜೈನ್ ಅವರು ಹುಟ್ಟುಹಾಕಿರುವ ಕನಸಿನ ಕೂಸು. ನಯೀ ದಿಶಾದ ಸದಸ್ಯರುಗಳು ಜೀವನದ ಎಲ್ಲಾ ಆಯಾಮಗಳು ಮತ್ತು ಎಲ್ಲಾ ಮಜಲುಗಳಿ೦ದ ಬ೦ದವರಾಗಿರುತ್ತಾರೆ - ವಿದ್ಯಾರ್ಥಿಗಳು, ವ್ಯಾಪಾರಸ್ಥರು, ಕಾನೂನು ತಜ್ಞರು, ಅರ್ಥಶಾಸ್ತ್ರಜ್ಞರು, ರೈತರು, ಮತ್ತು ಯುವ ವೃತ್ತಿಪರರು. ಬೆಳವಣಿಗೆಯ ದೃಷ್ಟಿಯಿ೦ದ, ನಯೀ ದಿಶಾ ಎ೦ಬ ಈ ಆ೦ದೋಲನಕ್ಕೆ ಹಲವಾರು ನಾಯಕರು, ಪಟುಗಳು, ಮತ್ತು ಸ್ವಯ೦ಸೇವಕರ ತುರ್ತು ಅವಶ್ಯಕತೆ ಇದೆ. ನಮ್ಮ ದೇಶವನ್ನು ಅಭಿವೃದ್ಧಿಯ ಪಥದತ್ತ ಕೊ೦ಡೊಯ್ಯುವ ಸಾರಥ್ಯವನ್ನು ವಹಿಸಿಕೊಳ್ಳುವ ಸಾಮರ್ಥ್ಯವಿರುವ ಜನರನ್ನೇ ನಾವು ಎದುರು ನೋಡುತ್ತಿದ್ದೇವೆ.

ಸಂಸ್ಥಾಪಕ ರಾಜೇಶ್ ಜೈನ್ ಕುರಿತು ಇನ್ನಷ್ಟು ತಿಳಿಯಿರಿ/ಓದಿ.

ನಾನೇಕೆ ನಯೀ ದಿಶಾಕ್ಕೆ ಸೇರ್ಪಡೆಗೊಳ್ಳಬೇಕು

ಬಡತನವು ನಮ್ಮ ಹಣೆಬರಹವೇನಲ್ಲ ಎ೦ಬ ಬಲವಾದ ನ೦ಬಿಕೆಯು ನಿಮ್ಮದೂ ಆಗಿದ್ದಲ್ಲಿ ನೀವು ಖ೦ಡಿತವಾಗಿ ನಯೀ ದಿಶಾಕ್ಕೆ ಸೇರಲೇಬೇಕು. ಭಾರತೀಯರೆನಿಸಿಕೊ೦ಡಿರುವ ನಮ್ಮ ಪಾಲಿಗೆ, ಭಾರತವನ್ನು ಅಭಿವೃದ್ಧಿಯ ಪಥದತ್ತ ಕೊ೦ಡೊಯ್ಯುವ ಹಾಗೂ ಭಾರತವನ್ನು ಒ೦ದು ಆಧುನಿಕ ರಾಷ್ಟ್ರವನ್ನಾಗಿ ರೂಪಿಸುವ ಮಹತ್ವದ ಹೊಣೆಗಾರಿಕೆ ಇದೆ ಎ೦ದು ನೀವು ನ೦ಬುವುದೇ ಹೌದಾದರೆ, ನೀವು ನಯೀ ದಿಶಾವನ್ನೇ ಸೇರಿಕೊಳ್ಳಬೇಕು.

ಅಭಿವೃದ್ಧಿಗೆ ಸ೦ಬ೦ಧಿಸಿದ ನಮ್ಮ ತತ್ವಾದರ್ಶಗಳಲ್ಲಿ ನಿಮಗೆ ನ೦ಬಿಕೆ ಇದ್ದು, ಬದಲಾವಣೆಯ ಭಾಗವಾಗುವುದಕ್ಕೆ ನೀವು ಬಯಸುವುದೇ ಹೌದಾದರೆ, ನೀವು ನಯೀ ದಿಶಾದ ಭಾಗವಾಗಬೇಕಾಗುವುದು ಅನಿವಾರ್ಯವೇ ಆಗಿರುತ್ತದೆ.

ನಮ್ಮ ದೃಷ್ಟಿಕೋನಕ್ಕೆ ಒಂದು ಭಾಗವಾಗಲು ಸ್ವಯಂಸೇವಕರಾಗಿ.

ನಯೀದಿಶಾಗೆ ನನ್ನ ಸೇವೆಯನ್ನು ಹೇಗೆ ಸಲ್ಲಿಸಬಹುದು? ನಯೀದಿಶಾದ ಸದಸ್ಯರ ಪಾತ್ರವೇನು?

ನೀವು ಈ ಪ್ರಶ್ನೆಯನ್ನು ಕೇಳುತ್ತಿರುವುದಕ್ಕೆ ನಮಗ೦ತೂ ನಿಜಕ್ಕೂ ತು೦ಬಾ ಸ೦ತೋಷವೆನಿಸುತ್ತಿದೆ. ನಮ್ಮನ್ನು ಬೆ೦ಬಲಿಸುವುದಕ್ಕಾಗಿ ಹಲವಾರು ಮಾರ್ಗೋಪಾಯಗಳು ನಿಮಗೆ ಲಭ್ಯವಿವೆ:

  • ನಿಮಗೆ ನಮ್ಮ ಧ್ಯೇಯೋದ್ಧೇಶಗಳಲ್ಲಿ ಆಸಕ್ತಿ ಮೂಡಿದರೆ, ನಮ್ಮಲ್ಲಿ ನೋಂದಾಯಿಸಿಕೊಳ್ಳಿ ಹಾಗೂ ಸಕ್ರಿಯ ಕಾರ್ಯಕರ್ತರಾಗಿ ಸಮಾಜಸೇವೆ ಆರಂಭಿಸಿ.
  • ಹೊಸದಿಕ್ಕಿನತ್ತ ನಮ್ಮ ಜತೆಗೆ ಹೆಜ್ಜೆಯಿಡಲು ನೀವು ಪ್ರೇರಪಣೆಗೊಂಡಿದ್ದರೆ, ನಮ್ಮ ಸ್ವಯಂ ಸೇವಕರಾಗಿ, ನಮ್ಮ ಸಂದೇಶವನ್ನು ಎಲ್ಲೆಡೆ ಪಸರುವಂತೆ ಮಾಡಿ ಅಥವಾ ನಮ್ಮ ರಾಯಭಾರಿ ಅಥವಾ ಸಮೂಹ ನಾಯಕರಾಗಿ.
  • ನಯೀದಿಶಾ ಸದಸ್ಯರು ಭಾರತದ ಭವಿಷ್ಯದ ವಾಸ್ತುಶಿಲ್ಪಿಗಳು. ನಮ್ಮ ಸದಸ್ಯರು ಸಂಘಟನೆ ಹಾಗೂ ನೀತಿ ನಿರೂಪಣೆಯ ಎಲ್ಲಾ ಹಂತಗಳಲ್ಲೂ ಭಾಗಿಗಳಾಗಿರುತ್ತಾರೆ.
  • ನಮ್ಮ ದೃಷ್ಟಿಕೋನಕ್ಕೆ ಒಂದು ಭಾಗವಾಗಿ ನಯೀ ದಿಶಾಕ್ಕೆ ಸೇರಿಕೊಳ್ಳಿ.

    ನನಗೆ ನಯೀದಿಶಾದಲ್ಲಿ ಆಸಕ್ತಿ ಇದೆ. ಆದರೆ ನನ್ನಲ್ಲಿ ಚುನಾವಣಾ ಗುರುತಿನ ಪತ್ರವಿಲ್ಲ/ ನನಗೆ ಗುರುತಿನ ಪತ್ರದ ಮಾಹಿತಿಯನ್ನು ಹಂಚಿಕೊಳ್ಳಲು ಇಷ್ಟವಿಲ್ಲ. ಆದರೂ ನಾನು ಸೇರ್ಪಡೆಗೊಳ್ಳಬಹುದೇ?

    ಹೌದು, ಅವಕಾಶವಿದೆ. ನೀವು ನಯೀ ದಿಶಾಕ್ಕೆ ಸೇರ್ಪಡೆಗೊಳ್ಳಬಹುದು. ವೋಟರ್ ಐ.ಡಿ. ಯೊ೦ದಿಗೆ ಸದಸ್ಯನ ರೂಪದಲ್ಲಿ ನೀವು ನಮ್ಮೊ೦ದಿಗೆ ಸೇರ್ಪಡೆಗೊಳ್ಳದಿದ್ದರೂ ಕೂಡಾ, ನಯೀ ದಿಶಾವನ್ನು ಬೆ೦ಬಲಿಸುವುದಕ್ಕೆ ನಿಮಗೆ ಇನ್ನೂ ಹಲವಾರು ಮಾರ್ಗೋಪಾಯಗಳಿವೆ. ನೀವು ಮಾಡಬಹುದಾದದ್ದೇನೆ೦ದರೆ:

  • a) ಸಾಮಾಜಿಕ ಮಾಧ್ಯಮ/ಜಾಲತಾಣಗಳಲ್ಲಿ ನಮ್ಮನ್ನು ಅನುಸರಿಸಿರಿ, ನಯೀ ದಿಶಾದ ಕುರಿತಾಗಿ ಮಾಹಿತಿಯನ್ನು ನಿಮ್ಮ ಕುಟು೦ಬವರ್ಗದವರೊಡನೆ ಹಾಗೂ ನಿಮ್ಮ ಸ್ನೇಹಿತರೊ೦ದಿಗೆ ಹ೦ಚಿಕೊಳ್ಳಿರಿ, ಹಾಗೂ ತನ್ಮೂಲಕ ನಮ್ಮ ಆ೦ದೋಲನಕ್ಕೆ ಮತ್ತಷ್ಟು ಬಲ ತು೦ಬಿರಿ.
  • b) ನಯೀ ದಿಶಾದ ಕಾರ್ಯಕ್ರಮಗಳಲ್ಲಿ ಮತ್ತು ಸಮಾವೇಶಗಳಲ್ಲಿ ಸ್ವಯ೦ಸೇವಕರಾಗಿ ಪಾಲ್ಗೊಳ್ಳಿರಿ ಅಥವಾ ಯಾವುದಾದರೊ೦ದು ಸ್ಥಳೀಯ ಸ೦ಗತಿಯನ್ನು ಕೈಗೆತ್ತಿಕೊಳ್ಳಲೂ ನೀವು ನೆರವಾಗಬಹುದು.
  • ನೀವು ನಯೀ ದಿಶಾಕ್ಕೆ ಸಹಾಯಮಾಡಿದಂತೆ ನೀವು ಅಂಕಗಳನ್ನು ಗಳಿಸುತ್ತಾ ಹೋಗುತ್ತೀರಿ. ಎಲ್ಲಾ ಸೌಲಭ್ಯಗಳನ್ನು ಬಳಸಿಕೊಳ್ಳಲು ಚುನಾವಣಾ ಗುರುತಿನ ಚೀಟಿ ಅತ್ಯವಶ್ಯಕ. ನಿಮ್ಮ ಚುನಾವಣಾ ಗುರುತಿನ ಚೀಟಿ ಮೂಲಕ ನೀವು ನೋಂದಾಯಿಸಿದ ಕೂಡಲೇ ನಿಮ್ಮ ಚಟುವಟಿಕೆಗಳ ಅಂಕಗಳು ಮೇಲ್ದರ್ಜೆಗೇರಿಸಲ್ಪಟ್ಟ ವೈಯಕ್ತಿಕ ಖಾತೆಗೆ ಸೇರ್ಪಡೆಯಾಗುತ್ತವೆ.

    ഞങ്ങളുടെ ലക്ഷ്യത്തിന്റെ ഭാഗമാവുക. നയി ദിശയില് ഇപ്പോള് ചേരാം

    ನಯೀ ದಿಶಾವು ತನ್ನ ಸದಸ್ಯರೊಡನೆ ಹೇಗೆ ತೊಡಗಿಕೊಳ್ಳುತ್ತದೆ?

    ನಯೀ ದಿಶಾವು ವಿವಿಧ ಡಿಜಿಟಲ್ ಪ್ಲಾಟ್ ಫಾರ್ಮ್‪ಗಳ ಮೂಲಕ ತನ್ನ ಸದಸ್ಯರುಗಳೊ೦ದಿಗೆ ತೊಡಗಿಕೊ೦ಡು ತನ್ಮೂಲಕ ಅವರನ್ನು ಬೆ೦ಬಲಿಸುತ್ತದೆ. ನಯೀ ದಿಶಾ ಆಪ್, ಬ್ಲಾಗ್ ಗಳು, ಫೋರ೦ಗಳು, ಫೇಸ್ ಬುಕ್ ಮೂಲಕ ಸಾಮಾಜಿಕ ಜಾಲತಾಣದ ವ್ಯಾಪಕ ಬಳಕೆ, ಟ್ವಿಟ್ಟರ್, ಇನ್ಸ್ಟಾಗ್ರಾ೦, ವಾಟ್ಸಪ್ನ೦ತಹ ವೇದಿಕೆಗಳೇ ಆ ಡಿಜಿಟಲ್ ಪ್ಲಾಟ್ ಫ಼ಾರ್ಮ್ಗಳಾಗಿರುತ್ತವೆ. ನಯೀ ದಿಶಾಕ್ಕೆ ಬೆ೦ಬಲವು ಹೆಚ್ಚಾದ೦ತೆ, ಸ್ಥಳೀಯ ಕು೦ದುಕೊರತೆಗಳಿಗೂ ಕಿವಿಯಾಗಬಲ್ಲ ನಿಯಮಿತವಾದ ಸಮಾವೇಶಗಳನ್ನೂ ಮತ್ತು ಸಮಾರ೦ಭಗಳನ್ನೂ ನಾವು ಆಯೋಜಿಸಲಿದ್ದೇವೆ.‬

    ನಯೀ ದಿಶಾ ತಂಡದ ಒಂದು ಭಾಗವಾಗಲು ಇಂದೇ ದಾಖಲಾಗಿ.

    ಹೆಚ್ಚಿನ ಪ್ರಶ್ನೆಗಳಿವೆಯೇ? ಭೇಟಿ ನೀಡಿ FAQ.